သြဂုတ် ၁၅ ကလေး။
ကလေးဒေသရှိ တောင်သူများအား စိုက်ပျိုးစရိတ်ချေးငွေ ထုတ်ပေးခြင်း လုပ်ငန်းများ သတ်မှတ်ရက်မတိုင်မီ စောစီးစွာ ပြီးဆုံးတော့မည်ဖြစ်ကြောင်း ကလေးမြို့နယ် စိုက်ဘဏ်မန်နေဂျာ ဦးကျော်လွင်မှ ပြောသည်။
ကလေးဒေသတွင် မိုးစပါးစိုက်ရာသီ ငွေချေးရန် စိုက်ဘဏ်အနေဖြင့် တောင်သူတစ်ဦးခြင်းအပေါ် စည်းကမ်းချက် ၆ ချက် ချမှတ်ကာ အမတော်ကြေးအား ချေးပေးခဲ့ပြီး စည်းကမ်းချက် ၆ ရပ်တွင် ချေးငွေ မကျေသည့် တောင်သူများ မြို့နယ်ကြေးတိုင်နှင့် မြေစာရင်းဌာနထုတ် ပုံစံ ၇ မရှိသူများ ဘဏ်တွင် ငွေတူ စာရင်းဖွင့်မထားသူများ ငါးယောက်မှ ဆယ်ရောက် အုပ်စုမဖွဲ့နိုင်သူများ သီးနှံပေါ်ချိန် အတိုးရော အရင်းပါ ပြန်မဆပ်နိုင်သူများ ချေးငွေကျေရန် တာဝန်မယူနိုင်သူများအား ချေးငွေ ထုတ်ပေးခြင်း မပြုလုပ်ပဲ အချက် ၆ ချက်နှင့် ပြည့်စုံမှသာ အမတော်ကြေး ချေးယူနိုင်မည်ဖြစ်ကြောင်း သိရသည်။
နိုင်ငံတော် စိုက်ပျိုးစရိတ် ချေးငွေ အတိုးနှုန်းအား နိုင်ငံတော်မှ တစ်လျင် ၅ ရာခိုင်နှုန်း သတ်မှတ်ထားပြီး ကလေးဒေသတွင် ၁၄ ရက် ၈ လပိုင်းအထိ အုပ်စု ၅၅ အုပ်စုထိ ချေးငွေ ပေးအပ်နိုင်ခဲ့ကြောင်း သိရသည်။
ကလေးဒေသတွင် အုပ်စုပေါင်း ၆၀ အုပ်စုရှိပြီး ချေးငွေထုတ်ပေးရန် ၅ အုပ်စုသာကျန်ကာ အဖွဲ့ အားဖြင့် ၈၈၅၉ ဖွဲ့ စုပေါင်း စိုက်ဧက ၄၈၃၁၉ ဧကအတွက် ချေးငွေပေါင်း ၄၈၃၁၉ သိန်း ထုတ်ချေးနိုင်ခဲ့ကြောင်း သိရသည်။
ချစ်သူမောင်
No comments:
Post a Comment